" ඉනාමලුවේ සබ්බේ ලබං ජාතකය "

එක වැසි සමයක ශ්‍රී ලංකා දේශයේ උපන් ගෞතම බුදුන් දඹුලානා නුවර වැඩවසන සමයේ  භූමි දේපලට අග්‍ර වූ ඉනාමළුවේ සුමංගල ද එම දඹුලානාරාමයේම වැඩ සිටී.

එක් කාන්තිමත් උදෑසනක කරුණා ඇස පැළද ලෝකය බලන කල්හී උන්වහන්සේ දුටුවේ දඹුලානාරාමය ගල පහළ ඉනාමලුවේ සුමංගල ශෝකීව දෑස් රතුකරගෙන වරක් හඩා ඉන්පසු සිනාසෙන ආකාරයයි. . එතැනට වැඩම කළ ගෞතම බුදුන් ඉනාමලුවගෙන් අසා සිටිවේ කිමක් නිසා දුක්වන්නේද  කිමක් නිසා සිනාසෙන්නෙ ද යන්නයි.

ඉනාමලුව බුදුන් ඉදි​රියේ කඳුළු ගලන රතුවූ දෑසින් යුතුව කියා සිටියේ " ස්වාමීනි, භාග්‍යවතුන් වහන්ස අපගේ දඹලුනාරාමය ආසන්නයේ හම්බයන් විසින් පැලක් අටවා ඇති බවයි. එය මගේ හිතට මහත් වූ වේදනාවකි. අපි මෙහි වැඩවාසය කරනු ලැබුවේ සිංහ පෝතකයන් මෙනි. දැන් ටික දිනකින් අපගේ ආරමයද ඔවුන් විසින් අල්ලා ගනු ඇත යනුවෙන් මහා බියක් මගේ හිත පෙළයි."

ඒ නිසාම මට එය වෙත සරළ බූමිතෙල් බෝම්බයක් ගැසීමටම සිතයි ස්වාමීනි. කොළඹා දේශය අධිපති වූ රාජධිරාජපක්ෂ නරේන්ද්‍රයානන් අපට මේ ​හම්බකැල එළවා දැමීම සේනාව එවා ඇත. ඔවුන් තවත් සැනෙකින් මෙතැනට පැමිණෙනු ඇත.

මේ හම්බ පැළ ඇටවූ නිසා ඇතිවූ ධර්ම සංවේගයෙන් මම හැඩුවෙමි ස්වාමීනි... සේනාව පැමිණි පසු නැවත අත්පත් කර ගැනීමේ සතුටින් සිනාසුනෙමි ස්වාමීනි.

​ගෞතම බුදුන් දෙවරක් ඉනාමළුව වටේ කැරකී මෙසේ වඳාලහ.

" දුක් නොවන්න ඉනාමළුව, ඔබ භූමි සම්බන්ධ කරණයේ ප්‍රවීණෙයෙකි"  යැයි පවසා ඉනාමළුවේ සුමංගලට පෙර ආත්මභවයක මෙවැනි සිදුවීමක් ගැන උන්වහන්​සේ දේශණාකලහ.

එකල ද දඹුලාන පුරයට අධිපති ඔබ සුමංගල.ඔබ වැඩවාසය කළ භවන ආසන්නයේ තවත් එනැනි කණ්ඩලම තරු භවක් සාදන්නට යන බව අසා ඔබ මහත් භීතියට පත්විය. ඔබගේ මනසට ​ඊ සරක වේගයෙන් පැමිණි අදහස් වූයේ එම භවන ඉදිකරන ආකාරයත්, ඒ අසන්නයේ වෙසෙන සතා සීපාවට සිදුවන හානියත්

"අන්න හරි ස්වාමීණි"   යැයි මැදින් පැන සුමංගල කීය.

නැත සුමංගල ඔබට පළමුව මතකය ආවේ අද මෙන්ම භූමි දූර්ංභූත වීමේ සිතුවිල්ලයි. ඉන්පසු ඔබ ඔබගේ තීක්ෂණ භූමිඥානය මෙහෙයවා දැවැන්ත සේනාවක් සංවිධානය කළහ. එයට සැදහවත් සිල්වත් උපාසක උපාසිකාවන් සියල්ලෝම ඔබ සමග වූහ.

දින ගතවිය ඔබ කිනම් බාධක පැමිණියද නොසෙල්වී සිටියහ. අවසානයේ අලුත්ම අලුත් බෙන්ස් කු​රුල්ලෙක් ඔබ අභිමුවට ඉගිල්ලී ආහ. ඉන් කලකට පසු කණ්ඩලම බවනේ සැප ඇදක්ද ඔබට වෙන්කෙරුණි. එවට ඔබ අද සිනාසුනු ලෙසම සිනාසිය. උපාසක උපාසිකා ඇත්තන් ද එදාද අවසානයේ සාදූ නඳ දෙමින් ඔබගේ ඥානය පිළිබඳ ධර්මප්‍රීතිය පත්වූහ.

කියා බුදුන් නැවත දඹුලානාරාමයේ මස්ථක ගලට ගැගූහ. සුමංගල ඒ අසලින් යන තරුණ උපාසිකාවටක ඇසක් ගසා බුදුන් පසුපසු වැටුනහ .

"රාජපක්ෂ අපිත් ලෑස්තියි"

ගොලායඩ්ට කැටපෝලයෙන් විද බිම හෙලන්නාක් මෙන් විදේශී හමුදාවක් තම රට ආක්‍රමණය කරන විටකදී ඉදිරිය ඇදෙන මහා දැවැන්ත යුධටැංකියක් වෙත ඉදිරියට ගොස් ගලක් ගසන්නට සූදානම් වන කොලු ගැටයකුගේ පින්තූරයක් ලොව සැවොම මවිතයට පත්කලේය.

සමහරෙක් පිස්සෙක් යැයි කීහ... සමහරු ඔහුට හූ කියන්ට ඇත. නමුත් ඒ පින්තූරය කියනා මහා කථාවක් ඇත. ඒ කුඩා ශරීරයකට තිබූ මහා ආත්ම විශ්වාසයයි. ගල්කැටයකින් යුධ ටැංකිය නවත්වන්ට නොහැකි බව සත්‍ය නමුදු සියල්ලෝ ඔහේ බලාසිටියදී එයට අසාධාරණයට විරුද්ධව එක ගල් කැටයක් හෝ ඔසවන්නට ඒ කොලු ගැටයාට තිබූ මහා ආත්මය ගැන කථාවක් අපට එම පින්තූරය කියා දෙයි.

ලංකාවේදී එවැනි එක උදාහරණය ඇත. ඒ භීෂණ සමයේ සියල්ලෝම තම පෑනට කොපුව ගසා තිබූ යුගයක එක් කතෘ වරයෙක් මහා වැකියක් ලිව්වේය. අකුරුවලට මේ භීෂණය වෙනස් කර නොහැකි සියලු මාධ්‍ය ස්ව්‍යංවාරණයක් පැවති ප්‍රේමදාස යුගයේදී සුනිල් මාධව නම් එවක් ලොකු ආත්මයක් තිබු පුංචි මිනිසා ලක්දිව කාර්යාලට පහරදුන් පසු දා පුවත්පතේ මහා හෙඩිමක් ලිව්වෙය..එයනම්

"ප්‍රේමදාස අපිත් ලෑස්තියි"

ඔහුට ද එවක් මිනිසුන් හිනා වෙන්නට ඇත. හූ කියන්ටද ඇත. පිස්සෙක් කියන්ටද ඇත. නමුත් එවැනි මිනිසුන් මහා ආත්මයන් නොමැති මිනිසුන් ලංකා භූමියට අහිමි වීමේ ඛේදවාචකය අද දවසේ දී භූමියේ යථාර්තය අපට කියා පායි. කාලානුරුපව සුනිල් අයියා විභූති වීදියබණ්ඩාරාගේ පොතේ පිදුමට යටවී ඒ මහා ආත්මය ක්ෂය කර ගත්තේය.
නමුත් ඔහුගේ ඇසුරෙන් හැඳුනු වැඩුණු මහා ආත්මයක් සහිත මිනිසෙක් අපට දෛවෝපගතව අපට ඉතිආසය විසින් මුණගස්වා ඇත. භූමියේ පවත්නා කඩෝරතර යථාර්ථය හමුවේ මහා ආත්මයක් සහිතව සුවහසක් දැවන්ත මිනිසුන් ගිලගන්නා, මිනිසුන් අතුරුදහන් කරනා මිනිස් ආත්මයේ වටිනාකම් කෙළ පිඩකට සමාන කළ රාජ්‍යකට එරෙහිව තම අකුරු වලින් මිනිස් වර්ගයාගේ නිදහස් වෙනුවෙන් පෑන මෙහෙයවූ මිනිසෙක් අපට මුණගැසෙයි. ඒ රෝහිත භාෂණ අබේගුණවර්ධනය.

උතුරේ භූමියේ යථාර්ථය දිනකදී අභිමුව වන බව භාෂණ ප්‍රමුඛ හිරු කණ්ඩායම තම දේශණවලදීද තම සටන් කරන අකුරුවලින්ද අපට ඉගැන්වීය. තරගයක ලකුණු ගණන්කරනවාක් මෙන් උතුරේ දී මිය යන පීඩිති දමිළ ජනයාගේ ඔලු ගොඩි ගණන්කිරීමේ ඓතිහාසික වැරැද්දට දකුණට වන්දි ගෙවන්නට වන්නේ තමන්ගේම ජීවිත වලින් බව එදා භාෂණ සහ හිරු කණ්ඩායම පිටුපුරා ලිව්වද එම යථාර්ථය පෙන්වාදීම නිසා දකුණෙන් ඔවුනට පිදූ ගෞරවය වූයේ ජීවිතය බේරාගන්නට නන්නාදුනන රටක් වෙත පලායෑමට සිදුකිරීමයි. එය කෙතරම් කඩෝර ගෞරවයක්ද යත් තමන්ගේ ආදරණීය පියාගේ මළගමට පවා භාෂණට සහභාගී වීමට නොහැකි විය.දකුණට වෙලී සිටි මායාවෙන් එහා තිබෙන්නාවූ කඩෝර යථාර්ථය දකුණේ සුවහසක් ජනතාවකට කියාදුන් වරදට භාෂණට සිදුවූයේ ජයතිලක බණ්ඩාරයන් භාෂණගේම කවියක් පියාගේ මළගෙදර හඬගා කියන විට ඇත කෙළවරක සිට දුරකථනයක් ඔස්සේ එය අසා සිටිමින් ඉකිබිඳීමටයි. යථාර්ථය ගෙනහැර පෑම එතරම්ම කඩෝරය වී ඇත.

කොළඹට ගුවන් යානවයක් පදවා ගෙන පැමිණි රූබන් නම් විමුක්ති සටන් සගයාගේ කලිසම් සාක්කුවේ ලියුමක් විය. එහි මෙසේ සඳහන් තිබුණි.

"අපේ අරගලය අපේ සටන දකුණේ සිංහල ඔබලාය විරුද්ධව නොව අපේ භූමිය ආක්‍රමණය කර සිටිනා මිනිමරු හමුදාවට සහ කොළඹ මිනීමරු ආණ්ඩුවට එරෙහිවයි. එහෙයින් ඔබගේ පෙම්වතා සැමියා උතුරේ භූමියා ආක්‍රමණය කිරීමට යකඩ සපත්තුවට බැසීමට පෙර ඔවුන් කියන්න ඔවුන් කියන්න ඔබ උණ්ඩය මානන්නේ තවත් ආදරණීය පියෙකුට, පෙම්වතෙකු බව."

නමුත් ඒ හඬට කන්දීමට තරම් දකුණේ පපු කැවුත තුල තෙතක් ඉතිරිව තිබුණේ නැත.

එදා ඒ යථාර්තය මගහැර ගිය දකුණවෙත අද එය මගහැර යා නොහැකි තත්ත්වයක් උදාවී ඇත. උතුරේ අම්මාලා දස දහස් ගණනකගේ කඳුළු ගංගාවක් දුටු අප තවත් අම්මා කෙනෙකුගේ තම පුතුගේ ජීවිතය සම්බන්ධයෙන් අනියත බියකින් දෑස් කෙමි පුපුරා ගලන කඳුළු දකින්ට තරම් අපි අවාසනාවන්ත වී සිටිමු. කුමාර් සහෝදරයා සහ දිමුතු සහෝදරියගේ පැහැර ගෙන යාම ඔස්සේ අන්කවර දාටත් වඩා දකුණ හෙල්ලුම් කා ඇත. අදා සිට අද දක්වා අපට දැනෙනා මරණයේ භය දකුණේ අපගේ මිතුරන්ට ද දැනෙන්නට පටන් ගෙන ඇත. රාත්‍රී අදුර ගලද්දී දකුණේ අම්මාවරුන්ගේ පපුවේ ලබ්ඩබ් ශබ්දය ඉතිහාසයේ අන්කවර දාටත් වඩා වැඩි වී ඇත. ඒ තම පුතා සැමියා ගෙදර ඒවිදෝ නොවේවිදෝ ගෙදර පැමිණියද යළිත් රැගෙන යයිදෝ යන දෙගිඩියාව නිසාවෙනි.

ඉතිහාසයේ අඳුරුතම යුගය වෙත අප පැමිණ සිටි නිසාම මෙය කුමාර් සහෝදරයා පැහැර ගෙන යාම යනු දකුණේ අවසන් පැහැර ගැනීම නොවේ. මේ සටහන ලියන මොහොත වන විට කුමාර් සහෝදරයා ලංකාවෙන් පිටුවල් කර ඇත. එය දකුණට තවත් පාඩමක් කියා දෙයි. එදා භාෂණ ඇතුළු හිරු පිරිසට රටින් පිටුවල් වන්නට සිදූවූයේ මීට වඩා අති බිහිසුණු වටපිටාවක් තුළය. 

එදා කුමාර් ලාද දිමුතුළාද හිරු දේශපාලනය හැදින්වූයේ දේශද්‍රෝහී ලෙසය. එදා එසේ හැදින්වූවායැයි කියා අද කුමාර් සහෝදරයාට දේශපාලනය කිරීමට ඇති අයිතිය පැහැර ගැනීමට එරෙහිව ඒ සියලු සගයන්ගේ සටන් කරන අකුරු කිසිදු අහිතකින් තොරව ක්‍රියාත්මක වෙයි.

දැන් දකුණට අලුතින් හිතන්නට කාලය පැමිණ ඇත. පැමිණ ඇත යනු මරණය දකුණේ සියළු ජීවත ඉදිරියේ හොල්මන් කරමින් සිටින යුගයට පැමිණ ඇත. භාෂණ සහෝදරයා ඇතුළු හිරුගෙන ගිය  අරගලය අලුත් වටයකින් ආරම්භකරන්නට මොහොත පැමිණ ඇත. භාෂණ සහෝදරයා ඇතුළු ඒ සහෝදර කැලම තවම ශ්‍රී ලංකා රාජ්‍ය නම් වූ මහා යුධ ටැංකියට එරෙහිව ගලක් ඔසවන්නට තරම් මහා ​​ධෛර්‍යවන්ත ආත්මයන්ගෙන් පිරිපුන්ව සිටී.

ඒ නිසා ලංකා භූමියෙන් ඒ සටනට මහා හෙඩිමක් අවශ්‍යව ඇත. කිසිදු බියකින් තොරව මරණයේ සෙවනැලි දසතින් පැතිරෙද්දීද මෙසේ ලියා තබන්නේ ඔවුන්ගේ ඒ සටනට අංශ්‍රමාතීය ජවයක්, ​ධෛර්‍යක් එක්කරනු අටියෙනි...

"රාජපක්ෂ අපිත් ලෑස්තියි"

එක විදහක මිනිස්සු සහ දිව දෙකේ සත්තු

පළමුව මේ කථාව කියවන්න.!  

රිචඩ් ද සොයිසා කොළඹ ඉංග්‍රීසි උගත් ඉහළ මධ්‍යම පාන්තික පවුල් පසුබිමකින් පැවත ආවෙකි. දේශපාලන විද්‍යාව, දර්ශණවාදය සහ කලා-සාහිතය පිළිබද පැතිරුණු දැනුමක් තිබූ අයෙකි. 1997 - 1989 භීෂණ සමයේ රයේ හමුදාවන්ගේ සංහාරයට ගොදුරු කැරලිකාර තරුණයින් පිළිබඳ විවේචනයක් පැවතියද හෙතෙම ඔවුන් කෙරෙහි පක්ෂපාතීත්වයක් සහ අනුග්‍රහශීලී ආලක්පයක් දැරීය. ඔවුන් මුහුණ දුනු මර්දනකාරී යථාර්ථය හෙළිකිරීමට මාධ්‍ය වෘත්තිකයෙකු නොගන්නා අවදානමක් ගනිමින් ක්‍රියාකලේය. 1990 පෙබරවාරි 18 වැනිදා රාත්‍රියේ සිටියදී පැහැරගෙන යනු ලැබූ රිචඩ් ද සොයිසාගේ වෙඩිවැදුණු මළ සිරු අගනුවර වෙරළ තීරයකින් හමුවිය.

දෙවනුව මේ කථාව කියවන්න !

ධර්මරත්නම් සිවරාම් මඩකලපුවේ ඉංග්‍රීසි උගත් ඉහළ මධ්‍යම පාන්තික පවුලකින් පැවත අවෙකි. දේශපාලන විද්‍යාව, දර්ශණවාදය, යුද හා උපායික අධ්‍යනය මෙන්ම කලා-සාහිත්‍ය හාඉතිහාසය යන විෂයන් පිළිබඳ පෘථුල දැනුමක් සහිත අයෙකි. සංවේදී හදක් ඇත්තෙකි. 1983 - 2002 දක්වා දිග්ගැස්සුන දීර්ඝ කාලීන සිවිල් යුද්ධයේදී රාජ්‍ය හමුදාවන් යටතේ ස්වකීය ජනයා මුහුණදෙන කෲර යථාර්ථය හමුවේ ක්‍රියාශ්‍රීලීව සමාජ අරගලයට අවතීර්ණ වීම සඳහා  හෙතෙම සරසවි අධ්‍යාපනය හැරදාමා ආවේය. කළක කැරලිකාරී දේශපාලනය නායකත්ව ශ්‍රේණීන් නියෝජනය කළ හෙතෙම පසුකාලීනව රිචඩ් ද සොයිසා හමුවීමෙන් මාධ්‍ය වෘත්තීයට අවතීර්ණ විය. කැරළිකාර ව්‍යාපායන් පිළිබඳව ස්වකීය වූ විවේචනාත්මක ස්ථාවරත්වනයන් දැරූවද, හෙතෙම ඔවුන් කෙරෙහි පක්ෂපාතීත්වයක් සහ අනුග්‍රහශීලී ස්ථාවරත්වයක් දැරීය. ඓ
හෙයින් සාමාන්‍ය වෘත්තීය මාධ්‍යවේදියෙකු නොගන්නා තරමේ අවදානමක් ගනිමින් ඔවුන් පෙලූ මර්දනකාරී යථාර්ථය හෙළි කළේය. 2005 අප්‍රේල් 28 වෙනිදා රාත්‍රියේ කොළඹ ජනාකීර්ණ ප්‍රදේශයකදී පැහැරගෙන යනු ලැබූ සිවරාම්ගේ වෙඩි වැදුණූ මළ සිරුර පසුදා පහන් වන විට අනනුවර පාර්ලිමේන්තු සංකීර්ණය අසලින හමුවිය.


(ඉහත කථා දෙකම උපුටා ගන්නා ලද්දේ 2005 මැයි 8 වැනිදා "හිරු" ධර්මරත්නම් සිවරාම් විශේෂ විශේෂ කලාපයෙනි.)

දැන් මේ කථාව කියවන්න !! 






දැන් කථාවෙන් කියන්නට යන්නේ ඇටමිදුළු වලට දක්වා ජාතිවාදය එන්නත් කළ, අවසාන දෙමලාත් දක්වා සමූළ ඝාතනය කළයුතුයැයි කියූ ජවිපේ මතවාදය හිස් මුදුනින්ම පිළිගෙන තම පෑන ඒ අමන ක්‍රියාන වෙනුවෙන් මෙහෙය වූ චන්දන සිරිමල් වත්ත දැන් රිචඩ් ද සොසිසා ගැන පිටුගනන් අකුරු පුරවයි. මෑතදී නින්දෙන් අවදී වූ චන්දන සිරිමල් වත්තලාට තම අතේ වූ සිවරාම්ලාගේ ලේ නොපෙනෙනේය. රිචඩ් ද සොසියා ගැන සිරිමල් වත්ත ලියන්නට පෙර තමන්ගේ හදවතට තට්ටුකර බැලිය යුත්තේ රිචඩ්ගේ සමීප මිතුරා වූ සිවා ඝාතනය කිරීමට ද ඉන්පසු සිවා කොටියකු කිරීමට තම පෑන විසින් කෙතරම් පත්තර පිටු අතර අකුරු පිරෙව්වා ද යන්නයි.

සිරිමල්වත්තලා රිචඩ් ගැන ලියන්නට පෙර තමන්ගේ පෑන දෙස බලන්න එහි සිවාලාගේ ලේ තැවරී තිබෙනු ඇත.

රිචඩ්ලා සිවාලා එකවිදිහක මිනිසුන් වන්නේ සහ සිරිමල්වත්තලා දිව දෙකේ සතුන් වන්නේ අප තවම මැරී ඉපදී නොමැති බැවිනි.

අරලිය මන්දිරයේ සවිකළයුතු පුවරු විහාරමහා දේවියේ සවිකිරීම

බුද්ධ සාසන සහ ආගමික කටයුතු අමාත්‍යංශය විසින් විහාරමහා දේවි  උද්‍යානය අවට සහ ඒ මග දෙපස ආදර්ශපාඨ සහිත පුවරු ගණනාවක් අවට සවිකර ඇත. ඇත්තෙන්ම එහි පාඨයන් ආදර්ශයට ගැනීම සම්බන්ධයෙන් කිසිදු ගැටළුවක් නැත. මන්ද ඒ සියල්ල මිනිසෙකු ලෙස යහපත් ජීවිතයක් ගත කිරීමට උදව් වන බැවිනි.

40,000 ක දමිළ ජනතාවක් මරාදමන්නේ නැත

තංගල්ලේ දී රුසියානු දූෂණය කර ලද දුෂකයන් බේරාගැනීමට දඟලන්නේ නැත

18 වැනි ව්‍යවස්ථා සංශෝධනයන ගෙන එන්නේ නැත.

​කොළඹ නරගය සුන්දර වන තරමට කොළඹ මිනිසුන්ගේ ජීවිතය අසුන්දර වන්නේ නැත

මෙවැනි චන්ඩිපාට් විදෙස් ප්‍රතිප්‍රත්තියක් හදාගන්නේ නැත

දමිළ ජනතාවගේ අයිතීන් කප්පාදු වන්නේ නැත

ප්‍රශ්ණය ඇත්තේ එම පුවරු සවිකර ඇත්තේ වැරදි තැනකය. ඇත්තෙන්ම එම පුවරු සවිකළ යුතු ස්ස්ථානය වන්නේ අරලිය ගඟ මන්දිරය ඉදිරිපිටය. හරියටම ජනාධිපතිවරයා එළියට ආ සැනිණ් පෙනෙන ලෙස සවිකිරීම ඉතා වටින්නේය. ඇත්තෙන්ම එය පොහෝ දිනයට අරලිය ගහ මන්දිරයේ

බණ කියනවාට වැඩිය වටින්නේය. දරුවන් ලැබීමට සිටින අම්මලා තමන් වාසය කරන මව්වරුන් ළදරුවන්ගේ පින්තුර බිත්තිමත අලවන් සිටින්නේ එවැනි සුන්දර බිළිදෙකු මටද ලබාදෙන ලෙසය සිතුවිල්ල අර පින්තූර දකින වාරයක් පාසා මත මතකයඑ එයි. ඒ ලෙස මහින්ද රාජපක්ෂ ජානාධිපතිවරයාටද ඉහත පින්තූර නැවත නැවත දකින්ට සැලැස්වීම ඔහුටත් වඩා සුබවන්නේ මේ රටේ ජනයාටය.

නියගලා මලේ පෙති ගලවා මානෙලට ඇමිණීම...

නියගලා මල තරම් ලාංකීය සමාජය මළපැන්නවූ මලක් නැත. සමස්ථ දකුණම තමන්ගේ හෘද සාක්ෂීන් සියල්ල පදුරක් පදුරක් ගානේ ගණිකා වෘත්තියේ යොදවද්දී තමන්ගේ අයිතිය උදෙසා අවියක් අත දරන්නට තරම් ​​​​ධෛර්යයක් දමිළ ජනායාට විය. නියගලා මල එහි සංකේතීය පුෂ්පය විය. ඒ නිසාම නියගලාව දකින විට තමන්ගේ ගණිකා හෘදසාක්ෂිය මතක් වී හෙළයාට මළ පනී.

කාලයක් මානෙල් මල අතදරා සිටි සහෝදරවරුන්ගේ වර්ථමාන ව්‍යායාමය නියගලා හැඩයේ මානෙලක් සැදීමයි. උතුර තුළ අරගලය තමන්ගේ පේටන්ට් බලපත්‍රය යටතේ වියයුතුයැයි සිතන නිසාවෙන් හා ජවිපෙ පෙකණි වැල කපාලත නොහැකි නිසාවෙන් ජාතික ගැටලුවට රෝහණ විජේවීරගේ පුටු දෘෂ්ඨිය හැර වෙනත් දෘෂ්ඨීන් නොමැති නිසායෙන් සහෝදරයෝ තවමත් උත්සහ කරන්නේ තමන්ගේ පැරණී මලට නියගලාවේ පෙති ඇමිණීමටයි.

සිටින අවසන් දෙමළාත් හැදිගෑයුතුයැයි සපත කළ සහෝදරවරුන්ට නියලා පෙති සොයන්නට වීම ​​​​දෛවයේ සරදමක් නොව තමන් නිරත වූ කුහක අවස්ථාවාදී දේශපාලනයේ සරදමකි.

ගැටලුව සහෝදරවරු පිසාචයන්ට තවත් පුදදීමට සූදානම් වන්නේ දමිළ රුධිරයයි. සහෝදරවරු තවම කියන්නේ කූගන් යනු හිටපු එල්ටීටීඊ සාමාජිකයෙක් බවයි. ඔහු මතවාදී ගැටුමකින් පසු සංවිධානයෙන් ඉවත් වූ බවයි. එයින් නැගෙන තර්කය නම් එදා ඔවුන් මල්මාලා පැළැන්දූ රණවිරුවන්ට වඩා ඔවුන් උත්කර්ෂයට නැංවූ රාජ්‍යයට වඩා දමිළ විමුක්ති කාමි සටන්කරුවෝ ශිෂ්ට බවයි. මන්ද ඔවුන්ට එදා කුගන් සංවිධානයෙන් ඉවත් වූපසු මරාදැමීම ඉතා සරළ කරුණකි. නමුත් එය සිදුකරන්නේ මානව හිමිකම් ප්‍රකාශණය අතින් දරා සාධු යුද්ධයක් කළ රජයේ කුළී හමුදාවයි.

සහෝදරවරු මේවා කියන්නේ නැත. සහෝදරවරුතව දුරටත් කියන්නේ අපි හිටපු එල්ටීටීඊ සාමාජිකයින් එක්ක වැඩකරනා පමණි. ඒ ප්‍රකාශ නිසාම ඔවුන් හමුදාවේ ඉලක්ක බවට පත්වෙති. ඊටත් වඩා කාරණාව ආරක්ෂක ලේකම්වරයාගේ ප්‍රකාශයට සමාන ප්‍රකාශ උදුල් ප්‍රේමරත්න සහෝදරයාද කරයි. සවිඥානිකව හෝ අවිඥානිකව ඔහු එය කියයි.

එල්ටීටීඊ සංවිධානය නැවත අරගලයකට අර අදිනවා - ආරක්ෂක ලේඛම්

හිටපු කොටි සාමාජිකයින් නැවත සන්නද් අරගලයක් වෙත ඇදී යාමේ අවදානමක් පවතිනවා - උදුල් ප්‍රේමරත්න

නමුත් උදුල්ගේ මානෙලේ අලුත් හැඩය සලකුණු කරන්නට සොයන්නේ නියලාවේ පෙතිය. ඔවුන්ගේ තියරියට අනුව නියගලාවේ පෙති තමන්ට ඇවැසි ලෙස විහිදෙන්නට නොහැකිය. විහිදෙනවාන් සහෝදරවරුන්ගේ හැඩයකට,  සහෝදරවරුන්ගේ තැනක සිට විහිදය යුතුය.

ඒ නිසාම පැරණි නාටකය තවම අහවර නැත. ගැලරියේ චියර්ද අවසන් නැත. ඒ වාගේම දෙමළ ලෙය පිදීමද අවසන් නැත.

තවත් ඔත්තුවක් හෙවත් ටොපියක්

ඔබ මේ පසුකරමින් සිටින්නේ ඉතා විශ්මයජනක යුගයකි. ටික්ක නොව අතිශය විශ්මය ජනක යුගයකි. මෙ යුගය සියලු දෙනාටම ඔත්තු ලැබෙන යුගයකි. පසුගිය දින වල වාමංශිකයන්ට ඔත්තු ලැබුණි. ඉන්පසු නීතීඥවරුන්ට ඔත්තු ලැබුණි. මේ ලෙස සියලු දෙනාටම ඔත්තු ලැබුණි. ඔය ඔත්තු වන්න ටෙපි කියා නම්කළහොත් අපට මෙසේ කියවන්නට පුළුවන.

"පසුගිය කාලය පුරාම සෑම සියලු දෙනාටම ටොපි ලැබුණි."

ඒ අනුව මේ දෙන්නට යන්නේ තවත් ඔත්තුවක් නැතිනම් ටොපියකි. එකම වෙනස මෙයට එක් සුදුසු කමක් අවශ්‍ය වේ. ඒ වසර 18 වෘත්තීය අත්දැකීම් සහිත වීම. මේ ඔත්තු දෙන්නේ මාධ්‍යවේදීන්ටය.

ඔත්තුව හෙවත් ටොපිය
2012 අයවැය වසර 18 ජනමාධ්‍ය අත්දැකීම් සහිත ජනමාධ්‍යවේදීන්ට මෝටර් රථ ලබාගැනීමට තීරුබදු සහනය ලබාදීමයි.

දැන් ඒ අනුව ඔබ වසර 18 ක මාධ්‍ය අත්දැකීම් සහිතනම් ඔබටද දැන් සුපිරි මෝටර් රථයක හිමිකරුවකු විය හැකිය. එවිට ඔබට මෙතෙක් ස්ත්‍රී පාර්ශවයක්​ නොතිබුනේනම්, එයින් පසුව ඔබට දැන් ඔබ ට අවැසි ස්ත්‍රී පාර්ශවයද ළඟාකර ගත හැකිය. ඒ නිසාම ඔබගේ ප්‍රාර්ථනය පරිදිම සහ ඔබගේ විශ්වාස පරිදම ස්ත්‍රිය සහ මෝටර් රථය ලබාගැනීම හරහා ඔබට පරිපූර්ණ මිනිසෙක් විය හැකිය.

බලන්න 2012 අයවැය කෙතරම් මානව වාදීද?? කෙතරම් ඔබේ ආශාව හඳුනාගෙන තිබේද? කෙතරම් 18 වෘත්තීය අත්දැකීම සහිත මාධ්‍යවේදීන්ගේ බිරින්දෑවරුන්ගේ ආශාව හඳුනාගෙන තිබේද??
දැන් මේ ටොපිය ඔබට කැමති ලෙස කෑමට පුළුවන.

ඊට අමතරව තවත මාධ්‍ය ඔස්තාර්ලා කීපදෙනෙක් මේ සහනය ඔස්සේ සෙල්ලම්කාර් ලොරියක් අරන් දී යළිත් මුල සිටන් මොන්ටිසෝරි යැවිය යුතුය.

මහින්ද අබේසුන්දර
ගාමිනි සුමනසේකර
විජයානි එදිරිසිංහ
කීර්ති වර්ණකුලසූරිය
වසන්තප්‍රිය රාමනායක
ආරියසේන රණබාහු
ප්‍රසන්න සංජීව තෙන්නකෝන්
ලසිනි සුමින්ද
ඉන්ද්‍රානි පිරීස්
චන්ද්‍රිකා විජේසුන්දර....Ect..


මේ අනුව මේ ලබාදී ඇති ඔත්තුව හෙවත් ටොපිය ඉතා ජනතාවාදී එකකි.

වාසුගේ පැගිරි හිනාව සහ හිරුණිකා

වාසුගේ සිහිනය සහ රෝග ලක්ෂණය

නව යොවුන් තරුණියක් සමඟ රමණයේ යෙදීම වියපත් පුද්ගලයෙක් පැගිරි කරනවා නැතහොත් තිරිහන් කරනවය යනුවෙන් කියවීමක් ඇත. එක පාරටම සිරසේ නිවුස් බලමින් සිටි මට සැණින් මේ කරුණ මතකයට ආවේ මොකද දන්නවාද නව සමසමාජ පක්ෂයට තිරිහන් වෙන්න ඕනේ වෙලා. වාසු සහෝදරයට ආහ් වැරදුනා මිස්ටර් වාසුට හෙවත් මිනිස්ටර් වාසුගේ පක්ෂ සම්මේලනයේ ප්‍රධාන දේශණය කරන්නේ හිරුණිකා ප්‍රේමචන්ද්‍ර.

ඇය කිව්වා  මේ රටේ යුක්තිය අහිමි වෙලා තියෙන මොහොතක මම ඉල්ලා සිටිනවා මගේ තාත්තා සහ සියලු වාමාංශිකයන් වෙනුවෙන් මේ තත්ත්වය වෙනස් කරන්න එන්න කියලා. ඒකේ හරිම ලස්සන ද සියලු වාමාංශිකයන් වෙනුවෙන් කියන කෑල්ල.... අධිපරිභෝජන රූ රැජික් ඉල්ලනවා මෙන්න මෙහෙම අවුලක් තියෙනවා එන්න අනේ වෙනස් කරන්න එන්නකෝ. සෝ ස්වීටි....

හිරුණිකාව වාසු ගෙන්න ගන්න ඇත්තේ හුළං බැහැල තියෙන ඔහුගේ වාමාංශික පක්ෂාත්භාගය හිරුණිකාගේ පැගිරි මූණ ඉස්සහට දාලා ටිකක් හරි ප්‍රාණවත් කරගන්න වෙන්න ඇති.

ඔන්න දැන් සියලු වාමාශිකයන් වෙනුනේ හිරුණිකා ඉන්නවා. මතකයි ඇය හිස්ටරික කිස්ලිගේ අතෘප්තිකර සංවාදය මැද්දෙත් කියනවා ඇය ලෙනින් මාක්ස් ගැන ගැඹුරින් හඳාරලා තියෙනවා කියාලා.

අහ් ඇය තවත් එකක් ඇය නීතිය සම්බන්ධයෙන් බොහොම බරපතල හැදෑරිමක් ඉන්නවා. හිරියැ. ඇය කිව්වා මහින්දට අයියා කිව්ව නිසා මහින්ද මල්ලි කියු නිසා ඇය සාධාරණයක් බලාපොරොත්තු වෙනවා කියලා. ඒක අලුත් තියරියක් නීතිය පිළිබඳ.

දැන් එතකොට සියලු වාමාංශිකයන් වෙනුවෙන් ලෙනින් මාක්ස් ගැඹුරින් හඳාරපු, නීතිය පිළිබඳ ගැඹුරින් හදාරපු.... ඕන වාමාංශිකයෙක් අංශක අනූවක් කෙළින් කරලා ගන්න පුළුවන් හිරුණිකා ඉන්නවා. වාසුගේ මූණ ඇස් දිළිසුණ එක ආයේ අහන්න දෙයක් යෑ. මොකද නව සමසමාජය ළගදිම සමාජවාදී විප්ලනය කරනවා. ආයේ දෙකක් නෑ. ෂුවර්...